Аймгийн Засаг даргын 2016 оны а/499 дүгээр захирамжаар “Авлигын эсрэг Олон улсын өдрийг тохиолдуулан “Авлигагүй ирээдүй-шударга ёсны төлөө” сэдэвт эссэ бичлэгийн уралдааныг 11 дүгээр сарын 2-ны өдрөөс 12 дугаар сарын 7-ны өдрүүдэд аймгийн хэмжээнд зохион байгуулсан. Уралдаанд 14 эссэ ирүүлснийг Засаг даргын Тамгын газрын даргын тушаалаар байгуулагдсан ажлын хэсэг удирдамжинд заасны дагуу шалгаруулж, эхний 3 байр эзэлсэн эссэг 2016 оны 12 дугаар сарын 09-ны өдөр төрийн албан хаагч нарт уншуулж танилцуулан шагналыг гардууллаа. Уралдааны 1-р байрт 3-р сургуулийн сургалтын менежер Б.Энхболд, 2-р байрт ЗЦТ-ийн зохицуулагч Н.Эрдэнэчулуун, 3-р байрт 5-р багийн иргэн О.Цэнгэлсайхан нар шалгарав.