Ариун цагаан өнгийн Бадам цэцэг суурьтай, төгсгөлгүй үргэлжлэн дэлгэрэх түмэн насан хээгээр хөвөөлсөн түүний дотор талаар үржин дэлгэрэхийн билэгдэлт 19 сумын тоотой тэнцүү тариан түрүүгээр хөвөөлж ,алтан нарыг билэгдсэн дугариг шар дэвсгэр дээр Төрийн тахилгат мөнх цаст суварга Хайрхан уул, Булган хайрхан уул, түүний өмнө талд Архангай аймаг нь Заяын хүрээнээс үүсэлтэй учир Галдан зуу хийдийг дүрсэлж, домогт Тайхар чулууг байрлуулан түүний хажууд үхэр болон хонин сүргийн тоогоор улсдаа тэргүүлдэгийг илтгэн үхэр, болон хонийг байрлуулж, доод хэсэгт мөнхөд ундрахын билэгдэл болгож гурван тамирын гол, мөнгөн сарыг дүрсэлж түүний дээр эртний нүүдэлчид түүх соёлын өлгий нутаг гэдгийг илтгэн буган чулуун хөшөөний бугийг дүрсэлж түүний эврээр ургалзруулан аймаг байгуулагдсан оныг дүрсэлж ариун цагаан Бадам цэцгийн дээд талд  Архангай аймгийн нэрийг бичиж  сүлдний магнай хэсэгт өнгөрсөн, одоо, ирээдүй гурван цагийн билэгдэл болж мөнхөд бадамлах галын дөлийг байрлуулсан байна.