Ажлын хэсгийнхэн чиглэл чиглэлээр төсөвт байгууллагуудын үйл ажиллагаатай танилцаж, захирамж, тушаал, бодлогын баримт бичиг, ажилчдын гэрээ, санхүү, цалин хөлсний хангамж, архив, албан хэрэг хөтлөлт зэргийг үзэж судлан, зөвлөгөө заавар өглөө.

Аймгийн ЗДТГ-ын дарга сумын төсөвт байгууллагуудаар явж ажилтнуудын нөхцөл байдалтай танилцсан. Соёлын төвийн тухайд сантехник муу, ус гоождог, дулаанаа их алддаг, цаашдаа шинэ соёлын төвийн барилга хэрэгтэйг хэлж байна. Хүүхдийн цэцэрлэг тойргийнхоо 528 хүүхдээс 50 хувь буюу 278 хүүхдийг авдаг байна. Тойргийнхоо хүүхдийг ядаж 70 хувьд хүргэж авахад 1976 онд ашиглалтанд орж байсан, одоо ашиглагдаагүй хуучны барилгаа их засварт оруулж өгөхийг хүслээ. Уг барилга нь хуучны сайн барилга бөгөөд одоо 154 сая төгрөгийн засвар хийх шаардлагатай гэж байна. Сургуулийн зүгээс бага боловсрол олгож байгаа сургуульдаа засвар хийж өгөхийг хүслээ. Харин эмнэлэгт эмэгтэйчүүдийн эмч дутагдалтай, бохир усны асуудал байгааг эрхлэгч эмч хэлж байсан. Бусдаар байгууллагуудын үйл ажиллагаа хэвийн ажиллаж байна.