“Сүү бэлтгэн нийлүүлэгч фермерүүдийн сургалт зөвлөгөөн” боллоо

2017-06-14

2017 оны 06 дугаар сарын 13

Монгол улсын ууган үйлдвэр “СҮҮ” ХХК-аас “Сүү бэлтгэн нийлүүлэгч фермерүүдийн сургалт зөвлөгөөн”-ийг ЕБС-ийн спорт зааланд зохион байгууллаа. Тус арга хэмжээнд сумын удирдлагууд, “СҮҮ” ХХК-ийн албаны хүмүүс болон тус сумын дөрвөн багийн малчид нийт 120 гаран иргэд оролцсон байна.

“СҮҮ” ХХК нь манай суманд 2009 оноос эхлэн сүү авах бэлтгэл ажлыг ханган 2011 оны 8 дугаар сард боловсруулах үйлдвэр байгуулснаар хамтын ажиллагаа эхэлсэн түүхтэй. Өнгөрсөн хугацаанд нийтдээ 383244 л сүүг худалдан авч 136,235,400 төгрөгийг малчдад шилжүүлсэн байна.

Тус арга хэмжээнд:

- Бруцеллёз өвчний талаар

- Хүнсний аюулгүй байдал, эрүүл ахуй, саалчьны эрүүл ахуй зэрэг сэдвээр малчдад сургалт зохион байгуулж, ЮНИТЕЛ ХХК-тай хамтран урамшуулалт худалдаа, азтан шалгаруулах сугалаат арга хэмжээг зохион байгуулж нийт 8 малчныг шалгаруулан шагнаж урамшууллаа.

Мөн өнгөрсөн хугацаанд хамгийн их сүү нийлүүлсэн малчдаа шалгаруулан өргөмжлөл мөнгөн шагналаар шагнав. Үүнд:

- - Д.Доржханд – 29838 л

- - Д.Хандсүрэн – 29445 л

- - Г.Ренчинхад – 19059 л

- - Х.Мөнхцэцэг – 11403 л сүүг тус тус нийлүүлсэн байна.