Төв аймагт Монгол улсын Хүний эрхийн Үндэсний Комисс, аймгийн Засаг даргын Тамгын газартай хамтран зохион байгуулж буй “Хүний эрхийн нээлттэй өдөр” арга хэмжээ болж өндөрлөлөө. Тус арга хэмжээ нь ХЭҮК-ын үйл ажиллагааг орон нутгийн иргэдэд сурталчилах, хүний эрхийн талаарх хууль тогтоомжийн хэрэгжилтийг үнэлэх, иргэд олон нийт, төрийн байгууллага, албан тушаалтнуудын хүний эрхийн мэдлэг ойлголтыг нэмэгдүүлэх зорилготойгоор зохион байгуулагдаж байгаа бөгөөд ХЭҮК-ийн гишүүн П.Оюунчимэгээр ахлуулсан баг манай аймагт 2 өдөр ажилласан байна.

Хөтөлбөрт Аймгийн ИТХ-ын ажлын алба, ЗДТГ, харъяа хэлтэс агентлагууд, хуулийн байгууллагуудын удирдлага, албан хаагчид оролцож хүний эрхийн талаар мэдлэг мэдээлэл олгох олон төрлийн сургалт, семинарт оролцсон байна. Мөн энэ  арга хэмжээний үеэр иргэдийн санал хүсэлт, өргөдөл гомдлыг 7027-2255 дугаарын утсаар хүлээн авч хууль зүйн зөвлөгөө мэдээлэл өгч байгаа бөгөөд комиссын гишүүд болон аймгийн Засаг дарга, ЗДТГ-ийн дарга, Хууль эрх зүйн хэлтсийн дарга нар тус өдөр Зуунмод сумын ЗДТГазрын хурлын зааланд иргэд, олон нийттэй нээлттэй уулзалт зохион байгуулж ажилласан байна.