Ховд аймагт "Нутгийн удирдлагын шинэ
тогтолцоо үүсч хөгжсөний 25 жилийн ой", НӨУБ-ын сонгуультан, ажилтнуудын
аймгийн IV зөвлөгөөн, сургалтын арга хэмжээ аймгийн Нутгийн удирдлагын ордны
Хуралдааны их танхимд болж байна.
Ойн арга хэмжээг нээж Аймгийн ИТХ-ын дарга
Г.Пүрэвганди: Иргэдийн оролцоотой хөгжлийн бодлогыг тодорхойлон хэрэгжүүлж,
олон түмэн иргэдийнхээ сайн сайхан амьдралын тогтолцоог төлөвшүүлэхэд хөдөлмөр
бүтээл, оюун ухаанаа зориулан үр бүтээлтэй ажиллаж байсан болон ажиллаж буй үе,
үеийн НӨУБ-ын сонгуультан, ажилтан, албан хаагчиддаа Нутгийн удирдлагын шинэ
тогтолцоо үүсч хөгжсөний 25 жилийн ойн баярын мэндчилгээ дэвшүүллээ.
Нээлтийн арга хэмжээнд аймгийн Засаг дарга
Д.Галсандондог, Засаг даргын орлогч Ш.Батсүх, Ч.Уранчимэг, аймгийн ИТХ-ын
нарийн бичгийн дарга Б.Сандагсүрэн нарын аймаг орон нутгийн удирдлагууд, үе
үеийн НӨУБ-ын сонгуультан, ажилтан, албан хаагчид зэрэг 200 гаруй хүн оролцож
байна.
