Мөн Архангай аймгийн Цагдаагийн газрын Замын цагдаагийн тасаг,  Автотээврийн төвийн уялдаа холбоог сайжруулан, хяналт шалгалтыг эрчимжүүлэн ажиллаж байна. Аяны хүрээнд нийтийн тээврийн үйлчилгээнд явж байгаа автобусанд техникийн үзлэг хийж, жолооч хариуцлагын даатгалд хамрагдсан эсэхийг хянаж шалгаж байна. Хүйтний улиралд иргэд баталгаат тээврийн хэрэгслээр зорчоогүйн улмаас эвдэрч, саатах, осол аваар гарах зэрэг тохиолдол гардаг учраас болзошгүй эрсдлээс сэргийлэх зорилгоор ажиллаж байгаа юм. Нийтийн тээврийн хэрэгслүүдэд хяналтын GPS төхөөрөмжийг суулгасан учир хурд, байршил зэрэг нь хяналтад байдаг тул ямар нэг саатал гарсан ч тусламжийг хурдан шуурхай авдаг байна