Баярын хурал боллоо

2017-12-03

Монгол улсад Нутгийн өөрөө удирдах байгууллага үүсэж хөгжсөний 25 жилийн ойн баярын хурал Булган аймгийн хөгжимт жүжгийн театрт зохион байгуулагдлаа. Уг баярын хурлыг аймгийн ИТХ-ын дарга М.Оюунбат нээж нарийн бичгийн дарга Д.Батчулуун, үе үеийн аймгийн Нутгийн өөрөө удирдах байгууллагын дарга болон нарийн бичгийн даргаар ажиллаж байсан хүмүүс 25 жилийн ойн баярын хуралд урилгаар оролцож тухай үед ажиллаж байсан талаар мэдээлэл хийлээ. Уг баярын хурлын үеэр НӨУБ болон орон нутгийнхаа хөгжлийн төлөө олон жил үр бүтээлтэй ажилласан хүмүүсийг аймгийн ИТХ-ын Хүндэт жуух, Баярын бичиг, нутгийн удирдлагын холбооны Шилдэг ажилтан, Тэргүүний ажилтан, аймгийн Тэргүүний ажилтан цол тэмдгээр шагналаа. Шагналыг аймгийн ИТХ-ын дарга М.Оюунбат, Засаг даргын орлогч Ц.Бат-өлзий, Нутгийн холбооны гишүүн Ц.Дагвадаш нар гардууллаа.