Хавдар судлалын үндэсний төвөөс ирсэн баг Архангай аймагт хоёр хоногийн хугацаатай ажиллаж байна. Элэг цөс нойр булчирхайн мэс заслын тасгийн их эмч Н.Юмчинсэрчин, их эмч Ч.Мөнхзаяа, их эмч Б.Минжүүр нар аймгийн Нэгдсэн эмнэлэгт үзлэг оношилгоо хийж байна.

“Элэгний эмгэггүй Архангай” хөтөлбөрийн хүрээнд элэгний хавдартай 39 хүнийг эрт үед нь, элэгний хатууралтай 60 гаруй хүнийг илрүүлсэн байдаг. Тэгвэл ХСҮТ-ийн эмч нар тэдгээр хүмүүст аймагт нь үзлэг хийж, мэргэжлийн зөвлөгөө өгч байна. Мөн зарим нэгэн мэс ажилбарыг ч хийх аж.