Аяны нээлт

    “Ногоон хөгжил-Тогтвортой хөгжил” сарын аяны нээлтийг 04 сарын 02-ны өдөр Биеийн тамир, спортын газрын харъяа, спортын “Б” зааланд “Спорт өдөрлөг” арга хэмжээгээр нээлтээ хийлээ. Нээлтийн арга хэмжээг эхлүүлэн ИТХ-ын дарга П.Пүрэвлхагва үг хэлж, ИТХ-ын даргын зөвлөх Ш.Ганбат аяны удирдамж, хуваарийг танилцууллаа. Аянд оролцогч байгууллагуудын удирдлагууд болох Байгаль орчин, аялал жуулчлалын газрын дарга С.Жаргалсайхан, Хүнс хөдөө аж ахуйн газрын дарга Ж.Бат-Өлзий, Цэцэрлэгжүүлэлт, ногоон байгууламжийн газрын дарга Х.Оюун-Эрдэнэ, Сэлэнгэ гол сав газрын захиргааны дарга М.Чулуунзагд, Жаргалант сумын ЗДТГ-ын дарга Ц.Даланбаатар, “Эко богд шанд” ТББ-ын тэргүүн Н.Баасадорж нарт шилжин явах туг дэвтрийг аймгийн ИТХ-ын дарга П.Пүрэвлхагва, ИТХ-ын даргын зөвлөх Ш.Ганбат нар гардуулж аяныг албан ёсоор эхлүүлсэн юм.

“Байгаль орчин 2017” спорт өдөрлөгийг зохион байгууллаа

    Аймгийн ИТХ-ын нэрэмжит “Ногоон хөгжил-Тогтвортой хөгжил” сэдэвт 4 дүгээр сарын аяны хүрээнд аймгийн хэмжээнд байгаль орчин, хөдөө аж ахуйн чиглэлээр үйл ажиллагаа явуулж байгаа төрийн болон төрийн бус 9 байгууллагын ажилтан, албан хаагчдын дунд мөн тэдний цаашдын хамтын ажиллагааг бэхжүүлэх, хамтран ажиллах зорилгын хүрээнд 04 дүгээр сарын 02-ны өдөр Гар бөмбөг, Шатар гэсэн 2-төрлөөр спорт өдөрлөг зохион байгууллаа. Энэхүү тэмцээний гол зорилго бол аймгийн хэмжээнд байгаль орчны чиглэлээр үйл ажиллагаа явуулж буй шат шатны байгууллагуудын хоорондын үйл ажиллагаа, уялдаа холбоог сайжруулж нэгдмэл нэг зорилготойгоор үйл ажиллагаагаа явуулахад зорьж тус өдөрлөгийг зохион явууллаа.
   Өдөрлөгөөр шатар, волейволын тамирчид танилцан өөр хоорондоо халуун яриа өрнүүлж спорт өдөрлөг зохион явуулсанд талархан цаашид тогтмол зохион явуулах нь зүйтэй юм хэмээн саналд нэгдэв. Дараах баг тамирчид амжилттай оролцлоо.

                                            Түрүүлсэн баг тамирчид   
      Гар бөмбөг:
1-р байр: Мэргэжлийн хяналтын газар
2-р байр: Жаргалант сумын Засаг даргын тамгын газар
3-р байр: Байгаль орчин, аялал жуулчлалын газар
     Шатар:
1-р байр: Н.Нарансүх "Жаргалант сумын Засаг даргын тамгын газар"
2-р байр: Г.Эрдэнэбаяр "Мэргэжлийн хяналтын газар"
3-р байр: М.Мягмарбат "Сэлэнгэ голын сав газрын захиргаа"

Илтгэл хэлэлцүүлэг явагдлаа

    Орхон аймгийн ИТХ-аас зарласан сарын аян, Эрдэнэт  хотод  байгаль  орчны  төрийн  байгууллага байгуулагдсаны  30 жилийн ойг тэмдэглэн өнгөрүүлэх арга хэмжээний хүрээнд зохион байгуулах  30 бүтээлч ажилын төлөвлөгөөний дагуу байгаль орчны салбарын байгууллагуудын дунд судалгаа шинжилгээний чиглэлээр илтгэл хэлэлцүүлгийг Ус цаг уур орчны шинжилгээний газраас зохион байгуулаа. Энэхүү илтгэл хэлэлцүүлэгт Байгаль орчны салбарын байгууллага, томоохон үйлдвэр, аж ахуйн нэгж, ТББ-ууд, иргэд оролцож сэдэв бүхий 6 илтгэл тавигдлаа.

Бүх нийтээр мод тарих ажлын бэлтгэлийг хангах ажлын хүрээнд

   Байгал орчин, аялал жуулчлалын газраас Бүх нийтээр мод тарих үндэсний өдөр буюу 2017 оны 5 дугаар сарын 13-нд нийт 6 байршилд 11 хэсэг талбайд мод тариулахаар төлөвлөлтийг хийж, шаардлагатай хар шорооны нөөцийг буулгаж, мод, бут сөөг, тарьц суулгацын үзэсгэлэн худалдааг 05 сарын 5-7, 12-14-ний өдрүүдэд  зохион байгуулахаар бэлтгэл ажлыг ханган ажиллаж байна.
Мөн Мод тарих аргачлалын талаар “1 ЦЭРЭГ-1 МОД” уриатай Зэвсэгт хүчний 186-р ангийн бие бүрэлдэхүүнд, Баян-Өндөр сумын Дэнж, Эрдэнэ, Шанд, Даваат, Баянцагаан, Уртын гол, Рашаант, Цагаанчулуут, Их залуу, Яргуйт багуудад, Жаргалант сумын 3 багийн нийт 40-гаруй иргэнд, МУИС, ШУТИС-ийн 50 оюутан, нийт 353 иргэнд сургалт зохион байгуулж ажиллаа.

“Хотын ногоон байгууламжийн тухай ойлголт, түүний ач холбогдол,

тавигдах шаардлага, түүнд мөрдөгдөх стандарт” сургалт боллоо   

 Цэцэрлэгжүүлэлт, ногоон байгууламжийн газраас аяны хүрээнд Насан туршийн боловсрол олгох төвийн нийгмийн ажилтан Г.Оюун –Эрдэнэтэй хамтран Наран, Цагаан чулуут , Рашаант, Шанд багийн 36 иргэнд хороололын нэг цэгийн үйлчилгээний төв дээр,  Яргуйт, Их залуу багийн болон 15-р цэцэрлэгийн багш ажилчид нийлсэн 33 иргэнд 15-р цэцэрлэг дээр сургалтыг зохион байгуулж  явууллаа. Дээрх сургалтыг явуулахад багуудын нийгмийн ажилтнууд идэвх гаргаж нийтдээ иргэдээ хамруулан хамтарч ажиллалаа.  Сургалтын  үеэр “ Мод тарих аргачлал” , “ Мод тарьж ургуулахад юу анхаарах вэ” ,  “Тарих мод суулгацанд тавигдах стандарт” зэрэг иргэдийн мэдэж байх мэдээллийг багтаасан гарын авлага материалыг бэлдэж тарааж өглөө. Сургалтын явцад иргэдтэй харилцан ярилцаж тэдний асуултанд хариулт өгч улмаар цаашид манай байгууллагын зүгээс иргэдэд мэргэжлийн зөвлөгөө өгч ажиллах боломжтойг иргэдэд ойлгууллаа. Иргэдийн зүгээс Хүлэмжийн аж ахуйг хэрхэн эрхлэх вэ, нароийн ногоог хэрхэн тарьж ургуулах вэ зэрэг сургалтыг явуулбал зүйтэй байна гэсэн саналыг гаргаж байлаа.