Аянд дараах байгууллагууд оролцлоо. Үүнд: Байгаль орчин аялал жуулчлалын газар, Баян-Өндөр сумын ЗДТГ, Жаргалант сумын ЗДТГ, Хөрөнгө оруулалт, хөгжлийн бодлого, төлөвлөлтийн хэлтэс, Хүнс, хөдөө аж ахуйн газар туг дэвтэр хүлээн авч оролцлоо.
   Сарын аянд оролцогч байгууллагууд тус бүртээ сарын аяны хүрээнд хийх ажлаа төлөвлөж, төлөвлөгөөний дагуу хийсэн ажлаа олон нийтэд сурталчилж сарын аян өндөрлөхөд тайлан мэдээ бэлтгэж ирүүлсэн.
   Аймгийн аялал жуулчлалыг хөгжүүлэх дэд хөтөлбөрийг /2017-2021он/ 3 зорилт 29 арга хэмжээтэйгээр, хөгжлийн бодлогын бичиг баримт боловсруулах журмын дагуу боловсруулан гаргаж аймгийн Засаг даргын зөвлөлийн хурлаар болон аймгийн ИТХ-ын Эдийн засаг, үйлдвэрлэлийн хөгжлийн хороогоор хэлэлцүүлэн батлуулахад бэлэн болсон байна.
   Орхон аймгийн болон 21 аймгийн түүх соёлын дурсгалыг багтаасан Хөх Монгол цогцолбор нь үйл ажиллагаагаа эхлүүлэхэд бэлэн байгаа бөгөөд Хангайн бүсийн аялал жуулчлалын компаниудтай хамтран ажиллах, тэдгээрийн маршрутад оруулах асуудлаар томоохон тур оператор компаниуд санал хүргүүлэн ажилласан бөгөөд аяны хүрээнд уг цогцолборыг аймгийн иргэдэд үнэ төлбөргүй нээлттэй үзүүлэх ажлыг зохион байгууллаа.
   Улаанбаатар хотод 2017 оны 6 сарын 15-ны өдөр зохион байгуулагдсан “Улаанбаатар-тур 2017” аялал жуулчлалын үзэсгэлэнд аймгийн аялал жуулчлалын танилцуулгыг хэвлүүлэн 800 орчмыг тарааснаас гадна орон нутгийн хэвлэл мэдээллийн хэрэгслүүд, цахим болон facebook хуудсуудаар аймгийн аялал жуулчлалын талаар болон сарын аяны хүрээнд зохион байгуулагдаж буй ажлуудын талаар мэдээ, мэдээллийг бүх нийтэд хүргэн ажиллалаа.