Архангай аймгийн боловсролын салбарт “Ирээдүй 1+1”,“Багшийн хөгжил” хөтөлбөрүүд хэрэгжиж байна. Энэ хүрээнд Эрдэнэбулган сумын хүүхдийн 11-р цэцэрлэгээс багш ажилчдынхаа дунд сургалтын хэрэглэгдэхүүн хийх хоёр сарын аяныг зохион байгуулжээ. Аян хүүхдийн хэл яриаг хөгжүүлэх, бусдаасаа үлгэр дууриал аван шинэлэг санаа хэрэгжүүлэх, эрүүл ахуйн шаардлага хангасан сургалтын хэрэглэгдэхүүн хийхэд чиглэгдсэн байна. Тус цэцэрлэгийн 25 багш, ажилчид зургаан багт хуваагдан бүтээлүүд хийжээ. Тэд хүүхдийн насны онцлогт тохирсон, хүүхдийн хэл яриаг хөгжүүлэхүйц, тэдний сонирхлыг татахуйц шинэлэг бүтээлүүдийг хийж, цэцэрлэгийнхээ сургалтын нөхцөлийг сайжруулсан байна.