Монгол цэргийн өдөр, Зэвсэгт хүчний 97 жилийн ойд зориулсан Аймгийн Засаг даргын нэрэмжит марштактикийн “Шилдэг тасаг” шалгаруулах тэмцээн Зэвсэгт хүчний 016-р анги дээр зохион байгуулагдаж байна. Энэ жилийн тэмцээнд Зэвсэгт хүчний 119-р ангийн тасаг, 011-р ангийн харъяа “М” байгууламжийн тасаг, 016-р ангийн 2 тасаг болон Аймгийн онцгой байдлын тасаг, Цагдаагийн тасаг, ШШГЕГ-ын тасгууд өрсөлдөж байна.
Өнөөдөр тасгууд гарааны өмнөх ажиллагааны төрлүүд болох жагсаал, гардан тулаан, биеийн тамир, галын бэлтгэлийн норматив, химийн норматив гэсэн 5 төрөлд өрсөлдөж байгаа бол маргааш маршын гараа буюу 10 км зайд гүйх, буудлага, тэсрэх бөмбөг, тактикийн ажиллагаанууд, ар талын нормативууд /өвчилсөн шархтанг татаж гаргах/ зэрэг төрөлд өрсөлдөх юм.