Монгол улсын Засгийн газрын 2011 оны 339, 340 дүгээр тогтоолоор батлагдсан гамшгийн аюулын тухай зарлан мэдээллийн дохио дамжуулах журмын дагуу улс орон даяар жил бүрийн гуравдугаар сарын 4 дэх долоо хоногийн пүрэв гарагт гамшгийн аюулын зарлан мэдээллийн дохиог шалгадаг. Энэ дагуу өнөөдөр 16.00 цагт Аймгийн хэмжээнд гамшгийн аюулын тухай зарлан мэдээлж, дохиогоор ажиллах дадлага сургуулийг Мөнх-Алдарын талбайд зохион байгууллаа.
Энэ үеэр Аймгийн Онцгой байдлын газрын Гал түймэр унтраах, аврах 24 дүгээр ангийн бие бүрэлдэхүүн объектийн гал түймэр унтраах тархалтын сургалт болон өндрөөс нэрвэгдэгсдийг дэрээр аврах, ой хээрийн түймэр унтраах зориулалт бүхий 21 тонны HOWO маркын автомашины өндөр даралтаар ус өгөх, усан хөөрөг тавих үзүүлэх сургалтыг зохион байгууллаа.