Арга хэмжээг Нийслэлийн ИТХ-ын Тэргүүлэгчдийн нарийн бичгийн дарга бөгөөд Хурлын ажлын албаны дарга Б.Батбямба нээж Засгийн газрын ахлах реферэнт П.Зоригтбаатар “Нутгийн өөрөө удирдах байгууллагын төлөвшлийн асуудал, Хууль зүй дотоод хэргийн яамны Захиргааны хэм хэмжээний актын хяналт бүртгэлийн хэлтсийн ахлах мэргэжилтэн Д.Алтантуяа “Захиргааны ерөнхий хуулийн хэрэгжилтийн байдал, хэлэлцүүлэг зохион байгуулах тухай, Нийслэлийн ИТХ-ын Хуралдаан зохион байгуулалт, иргэний оролцооны хэлтсийн дарга М.Халтар “Нийслэл, дүүрэг хороодын иргэний танхимын хамтын ажиллагаа, иргэний оролцоог хангах асуудал, “Дэлхийн зөн” олон улсын байгууллагын олон нийтийн хамтын ажиллагаа хариуцсан мэргэжилтэн Т.Өлзийханд “Орон нутгийн иргэдийг оролцуулах арга зүй сэдвүүдээр тус тус мэдээлэл өгч, Иргэний танхимын ажилтнуудад тулгамдаж буй асуудлыг нь шийдвэрлэх чиглэлээр саналыг нь сонсож ярилцав.
Мөн үеэр Чингэлтэй дүүргийн ИТХ-ын Тэргүүлэгчдийн нарийн бичгийн дарга бөгөөд Хурлын ажлын албаны дарга Ц.Алтанцацрал дүүргийнхээ 19 хорооны иргэний танхимын үйл ажиллагаа, иргэний оролцоог хангах асуудлын талаар хэрэгжүүлж буй ажил, туршлагаасаа танилцуулсан юм.
Сургалтад Чингэлтэй дүүргийн Иргэдийн Төлөөлөгчдийн Хурлын ажлын албаны Иргэний оролцооны хэлтсийн ажилтнууд, 19 хорооны Иргэний танхимын ажилтнууд хамрагдаж, харилцан санал солилцлоо.
Нийслэл, дүүргийн Хурлын ажлын албаны иргэний оролцооны асуудал хариуцсан хэлтэс, хороодын Иргэний танхимын ажилтнуудын ажлын чиг үүргийг боловсронгуй болгох, иргэдийн саналыг авах-хэлэлцүүлэг зохион байгуулах, хамтран ажиллах, туршлага мэдээлэл солилцох зэрэг цаашдын хамтын ажиллагааг сайжруулах чиглэлээр энэхүү сургалтыг цаашид давтамжтайгаар зохион байгуулахаар боллоо.
