Аймгийн
ИТХ-ын Ээлжит XI хуралдаан 2018 оны 06 дугаар сарын 06-ны өдөр хуралдах
ба хуралдаанаар Аймгийн 2017 оны төсвийн гүйцэтгэл батлах тухай, Төрийн
болон орон нутгийн өмчит байгууллагуудын санхүүгийн Аудитын нэгдсэн
дүнгийн тухай, Төсөл хөтөлбөр, арга хэмжээний нэр өөрчлөх тухай, Малчин
баг байгуулах тухай, Хэсэгчилсэн ерөнхий төлөвлөгөө батлах тухай, Журамд
нэмэлт өөрчлөлт оруулах тухай асуудлуудыг Ээлжит хуралдаанд оруулж
хэлэлцүүлэх илтгэл илтгэгчидийг баталлаа.
Аймгийн хог хаягдлын менежментийг сайжруулах дэд хөтөлбөр нь хог
хаягдлыг бууруулахтай холбоотой олон нийтэд ногоон хэрэглээний талаар
боловсрол олгож, иргэд, аж ахуй нэгж байгууллагын нийгмийн хариуцлагыг
нэмэгдүүлж, хог хаягдлыг эх үүсвэр дээр нь ангилан ялгах, цуглуулах,
тээвэрлэх, дахин боловсруулах, сэргээн ашиглах, менежментийн тогтолцоог
сайжруулах зорилготой аж.
Орхон
аймагт хог хаягдлын төвлөрсөн 2 цэг ажиллаж, нийт 83,3 га талбай хамарч
байна. Эдгээрт 2016 оны байдлаар 5 сая шоо метр хог хаягдал
хуримтлагдаад байна. Эрдэнэт хотод өдөрт 22 машин буюу дундажаар 840м3
хог хаягдлыг тээвэрлэн хог хаягдлын нэгдсэн цэгт төвлөрүүлж, ил задгай
талбайд түрж, даран устгал хийж байна. Эрдэнэт хотоос жилд 123 мянган
шоо метр ахуйн болон үйлдвэрлэлийн хог хаягдал, Жаргалант сумаас 4
мянган шоо метр ахуйн болон үйлдвэрлэлийн хог хаягдал гардаг. Үүнээс гэр
хорооллын айл өрхөөс жилд дунджаар 70 мянга, орон сууцны хорооллоос 30
мянга гаруй, албан газар аж ахуйн нэгж байгууллагаас 15 мянга, эзэнгүй
дүүргээс 4 мянган шоо метр хог хаягдлыг цэвэрлэж, тээвэрлэж, устгадаг
байна.
Мөн
Монголын тулгар төрийн 2227, Их Монгол улсын 812, Ардын хувьсгалын 97
жил, Үндэсний их баяр, аймгийн баяр наадмыг зохион байгуулах хороог 32
хүний бүрэлдэхүүнтэйгээр байгууллаа. Баяр наадмыг зохион байгуулах
салбар комиссуудыг томилж, холбогдох зардлын тооцоог гаргаж батлуулах,
баяр наадмын арга хэмжээг өндөр түвшинд зохион байгуулахыг Зохион
байгуулах хорооны дарга Аймгийн Засаг даргын орлогч А.Түвшинжаргалд
даалгалаа.
