Аймгийн ИТХ-ын тэргүүлэгч Д.Батбилэг, төлөөлөгч Ц.Алтаншагай нар хичээлийн шинэ жил эхэлсэнтэй холбогдуулж тойргийнхоо сургууль цэцэрлэгүүдээр орж багш эрхлэгч тэдний ур чадварыг нэмэгдүүлэх, хүүхэд багачууддаа үндэсний соёлоос суралцуулахаар ном сурах бичиг хандивлав. 

   Уг номууд нь нэг бүр нь 50,000 төгрөгийн үнэтэй “Багшийн хөгжил” ном, Монгол залуусын зохион бүтээсэн “Хулгар шарын домог” комикс номыг тойргийнхоо 7, 8, 9, 17, Одод цэцэрлэг, 1 дүгээр сургуулийн багш нарт гардуулж өглөө. 

   Мөн төлөөлөгчид тойргийнхоо сургууль, цэцэрлэгүүдэд хийгдэж байгаа улсын болон орон нутгийн хөрөнгө оруулалтын ажилтай давхар танилцаж, цэцэрлэгийн эрхлэгч, сургуулийн захирал багш нарын санал хүсэлтийг сонсож явав.