Малчид, тариаланчид, хадланчдад сэрэмжүүлэх мэдээ

Ойрын 3 хоногтоо ихэнх нутгаар хур тунадас, нойтон цас орж, цасан шуурга шуурч, эрс сэрүүсэхийг онцгойлон анхааруулж байна.

                   2018 оны 09-р сарын 25-ны өдрийн 20 цагаас 26-ны өдрийн 20 цаг хүртэл  

  Төв аймгийн нутгаар: Үүлшинэ. Шөнөдөө хур тунадас орохгүй. Өдөртөө ихэнх нутгаар хур тунадас, нойтон цас орно. Салхи баруун өмнөөс хойш эргэж секундэд 5-10 метр. Өдөртөө нутгийн баруун хэсгээр 13-15 м/с хүрч ширүүснэ. Шөнөдөө 4-9 градус, өдөртөө 14-19 градус дулаан байна. Үдээс хойшдоо нутгийн баруун хойд хэсгээр сэрүүснэ.

 Зуунмод хот орчмоор: Үүлшинэ. Шөнөдөө хур тунадас орохгүй. Өдөртөө бага зэргийн хур тунадас орно. Салхи баруун өмнөөс секундэд 4-9 метр. Өдөртөө зарим үед 12-14 м/с хүрч ширүүснэ. Шөнөдөө 6-8 градус, өдөртөө 14-16 градус дулаан байна.

       2018 оны 09-р сарын 27-ноос 10-р сарын 01-нийг хүртэлх 5 хоногийн цаг агаарын урьдчилсан төлөв:   

    27, 28-нд ихэнх нутгаар, 29-нд зүүн хэсгээр хур тунадас, нойтон цас орно. Салхи 27, 28-нд ихэнх нутгаар 16-18 м/с, 29,30-нд зүүн хэсгээр секундэд 12-14 метр хүрч ширүүсэн шороон болон цасан шуурга шуурна. 27-29-нд ихэнх нутгаар сэрүүсч, шөнөдөө 2-7 градус хүйтэн, өдөртөө 5-10 градус дулаан байна.    

             Цаг агаарын мэдээ,  тойм бичсэн  синоптик инженер:                        Д.Долгоржав