Монгол улсын шадар сайд Аймгийн Засаг даргатай байгуулсан гэрээний дагуу ОБЕГ-ын удирдлага дор Төв аймагт гамшгаас хамгаалах иж бүрэн сургууль зохион байгуулагдаж байна. Гамшгийн үеийн нөхцөлд цагийн байдал өгөгдөж энэ хүрээнд бодит байдалд тулгуурласан дадлага сургууль зохион байгуулагдсаар байна. Үүний нэг нь Эрдэнэ сумыг нүүлгэн шилжүүлэх үйл ажиллагаа юм. Нүүлгэн шилжүүлэлт хийгдсэн шинэ суурьшлын бүс нь сумын төвөөс баруун тийш хоёр км орчим газарт орших бөгөөд уг суурьшлын бүсэд 48 гэр, 2 майхан платка байршуулж эмнэлэг, банк, сургууль, сурагчдын дотуур байр, иргэдийг байрлуулахаар зохион байгуулжээ. Нүүлгэн шилжүүлэлтэнд тус сумын 900 гаруй иргэн оролцож, дадлага сургуульд хамрагдсан юм.
