“АГААРЫН БОХИРДЛООС УРЬДЧИЛАН СЭРГИЙЛЭХЭД ИРГЭД БИДНИЙ ОРОЛЦОО” СЭДЭВТ СУРГАЛТАД 900 ГАРУЙ ИРГЭД ХАМРАГДАВ
Иргэдэд агаарын бохирдлоос үүдэлтэй өвчлөлөөс урьдчилан сэргийлэх, мэргэжлийн байгууллагаас гаргасан эрүүл мэндээ хамгаалах мэдлэг, хандлага, зөвлөмжийг төлөвшүүлэх зорилгоор Иргэдийн Төлөөлөгчдийн Хурлын Ажлын албанаас санаачлан Эрүүл мэндийн төвтэй хамтран арваннэгдүгээр сарын 12-наас 14-ний өдрүүдэд хороодын Иргэний танхимд “Агаарын бохирдлоос урьдчилан сэргийлэхэд иргэд бидний оролцоо” сэдэвт сургалт, үйл ажиллагааг амжилттай зохион байгууллаа. 
Сургалтыг хороодын Өрхийн эрүүл мэндийн төвийн Эрүүл мэнд, нийгмийн ажилтнууд сургалтыг удирдан зохион байгууллаа. Тус сургалтаар агаарын бохирдолын эх үүсвэрийн төрөл, агаарыг бохирдуулагч хүчин зүйлс, агаарын бохирдол хүний эрүүл мэндэд хэрхэн нөлөөлдөг, байшин болон гэрийн дулаан алдагдалтыг бууруулах зөвлөмж, амны хаалтны зөв хэрэглээ, гадны болон дотоодын агаарын бохирдлоос урьдчилан сэргийлэхэд иргэн бүрийн эрүүл мэндээ хамгаалж чадах дадал, хандлага зөвлөмжийг иргэдэд мэдлэг олголоо. Сургалтад 1-19 дүгээр хороодын иргэдийн төлөөлөл 985 иргэд оролцлоо. 
Мал эмнэлгийн ажил үйлчилгээний хөлсний үнийн талаар саналаа өгнө үү.
Мал, амьтны эрүүл мэндийн тухай хуулийн 34 дүгээр зүйлийн 34.5 “Орон нутгийн төсвийн хөрөнгөөр гүйцэтгэх мал эмнэлгийн үйлчилгээний зардлын нормативыг аймаг, нийслэлийн мал эмнэлгийн газрын саналыг үндэслэн аймаг, нийслэлийн иргэдийн Төлөөлөгчдийн Хурал батална. Үүнд:
Архангай аймгийн Мал эмнэлгийн газар орон нутгийн санхүүжилтээр хийгдэх мал эмнэлгийн үйлчилгээний жишиг үнийг шинэчлэх төслийг холбогдох эрх бүхий байгууллагад хүргүүлэхээр ажиллаж байна.
Иймд мал эмнэлгийн үйлчилгээний нэгж болон эрх ашигт нөлөөлөх талуудыг захиргааны хэр хэмжээний актын төсөлд санал өгч хамтран ажиллахыг хүсье.
санал өгсөн: 52
