“Замын хөдөлгөөний цагаан толгой-2014” тэмцээн 2014 оны 05 дугаар сарын 30-ний өдөр аймгийн Засаг даргын тамгын газрын хурлын их танхимд зохион байгуулагдлаа. Тэмцээнийг аймгийн ИТХТ-ийн нарийн бичгийн дарга Л.Отгонбаатар нээж үг хэллээ.

            Тэмцээнд Эрдэнэбулган сумын цэцэрлэгүүдийн баг тамирчид 5 төрлөөр авхаалж самбаагаа сорин өрсөлдөж  тэргүүн байранд  Эрдэнэбулган сумын IV цэцэрлэгийн “Золбоо” баг шалгарч алтан медаль өргөмжлөл, мөнгөн шагнал, шилжин явах цомоор, дэд байранд Ирээдүй цэцэрлэгийн “Ирээдүй” баг шалгарч мөнгөн медаль, өргөмжлөл, мөнгөн шагналаар, гутгаар байранд VI цэцэрлэгийн “Зохицуулагч” баг шалгарч хүрэл медаль өргөмжлөл, мөнгөн шагналаар тус тус шалгарлаа. Шилдэг зохицуулагчаар  Ирээдүй цэцэрлэгийн “Ирээдүй” багийн ахлагч Б.Дөлгөөнтамир шалгарч алтан медаль, өргөмжлөл мөнгөн шагналаар, Шилдэг багшаар хамт олноо сайн удирдан оролцсон  IV цэцэрлэгийн багш Н.Минжжалам шалгарч өргөмжлөл, мөнгөн шагналаар шагнагдав.

            Цаашид дээрх тэмцээнийг аймгийн хэмжээний сургууль, цэцэрлэгүүдийн дунд зохион байгуулж явуулна.