Монгол Улсын иргэд, Оросын Холбооны Улсын иргэд харилцан зорчих
нөхцөлийн тухай Монгол Улсын Засгийн газар, Оросын Холбооны Улсын
Засгийн газар хоорондын хэлэлцээрийг 2014 оны 9 дүгээр сарын 3-ны өдөр
байгуулсан билээ. Тус хэлэлцээрийн дагуу бүх төрлийн паспорттай хоёр
улсын иргэд 30 хүртэлх хоногоор 2014 оны 11 дүгээр сарын 14-ны өдрөөс
буюу тодруулбал 11 дүгээр сарын 13-ны өдрөөс 14-ны өдөрт шилжих 00:00
цагаас эхлэн харилцан визгүй зорчих боломжтой болж байгаа юм. Гэхдээ визгүй
зорчих нийлбэр хугацаа нь тухайн иргэн анх орсон өдрөөс эхлэн 180 хоног
буюу зургаан сарын хугацаанд 90 хоногоос илүүгүй байхаар заасан. Харин
30 хоногоос дээш хугацаагаар зорчих, оршин суух, хөдөлмөр буюу арилжааны
үйл ажиллагаа эрхлэх бол нөгөө улсын зохих хууль журмын дагуу виз авах
ёстой юм. Энэ дагуу аймгийн Засаг даргад ОХУ-ын Ерөнхий Консул албан
бичгээ гардууллаа.
