Монгол улсын Засгийн газрын болон аймгийн Засаг даргын 2016-2020 оны үйл ажиллагааны хөтөлбөр, Аймгийн эдийн засаг, нийгмийг 2019 онд хөгжүүлэх үндсэн чиглэл, Бүтээн байгуулалт хөрөнгө оруулалтын жилийн төлөвлөгөөг хэрэгжүүлэх хүрээнд аймгийн Засаг дарга сумдын Засаг дарга нартай 2019 онд Засгийн газрын зарим чиг үүргийг орон нутагт төлөөлөн хэрэгжүүлэх тухай гэрээ байгууллаа.

Уг гэрээнд талуудын харилцан хүлээх үүрэг, улсын болон орон нутгийн төсвийн санхүүжилт, гэрээний биелэлтийг дүгнэх, үнэлэх болон бусад нөхцлийг тусгаж, гэрээний хугацаанд хэрэгжүүлэх хөтөлбөр, арга хэмжээний чанар, хүрэх үр дүнг салбар бүрээр тодорхой тусгасан байна. Мөн энэ үеэр Аймгийн Засаг дарга, сумын Засаг дарга болон 31 сургуулийн захирал, 50 цэцэрлэгийн эрхлэгчтэй гурвалсан гэрээг байгуулсан юм.