Нийслэл, дүүргийн Иргэдийн Төлөөлөгчдийн Хурлын төлөөлөгчид, Ажлын албаны ажилтнуудын дунд жил бүр уламжлал болгон зохион явуулдаг "Хангарди-2019" спорт наадам тавдугаар сарын 24-26-ны өдрүүдэд Багануур дүүрэгт амжилттай зохион байгуулагдаж өндөрлөлөө.
Энэ жилийн “Хангарди-2019” спорт наадамд 10 багийн 400 гаруй тамирчид 3 өдрийн турш сагс, волейбол, дартс, ширээний теннис, боулинг гэсэн 5 төрөлд хурд хүч авхаалж самбаа сорин өрсөлдсөнөөс Чингэлтэй дүүргийн Иргэдийн Төлөөлөгчдийн Хурлын баг тамирчид багийн нэгдсэн дүнгээр III байр эзэлж өргөмжлөл мөнгөн шагналааар шагнагдаж ирэх жилийн “Хангарди-2020” спорт наадмыг зохион байгуулахаар боллоо.
• Эмэгтэй гар бөмбөгийн төрөлд Чингэлтэй дүүргийн ИТХ-ын Төлөөлөгч Л.Ариунтуяа ахлагчтай баг II байр мөнгөн медиаль
• Эрэгтэй сагсан бөмбөгийн төрөлд ИТХ-ын Тэргүүлэгч, Төлөөлөгч С.Амарбаясгалан ахлагчтай баг III байрт Хүрэл медиаль
• Эмэгтэй сагсан бөмбөгийн төрөлд ИТХ-ын Төлөөлөгч Ж.Алтантуул ахлагчтай баг Хүрэл медиаль
• Боулингийн төрөлд ИТХ-ын ИООНХХ-ийн дарга Т.Уламбаяр ахлагчтай баг Хүрэл медиаль
• Дартсын төрөлд ИТХ-ын ажилтан Б.Амгалан “Шилдэгч тоглогч”-оор тус тус шалгарлаа.
Тэмцээнд оролцож амжилт гаргасан Иргэдийн Төлөөлөгчдийн Хурлын Төлөөлөгчид болон Ажлын албаны баг тамирчдадаа халуун баяр хүргэе.
