“Бүтээн байгуулалт, хөрөнгө оруулалт”-ын урианы жилийн хүрээнд Төв аймагт 61 барилга байгууламж шинээр баригдаж байгаагийн нэг нь энэхүү Соёл, спортын цогцолбор юм. Баяндэлгэр сумын хувьд харьцангуй цөөн буюу 1600 хүн амтай. Нийт хүн амын дийлэнх хувийг залуучууд эзэлдэг. Тус сумын соёлын төв чанарын шаардлага хангахгүй болсныг үндэслэн УИХ-ын гишүүн М.Энхболд 2018 оны улсын төсөвт 1 тэрбум 17 сая төгрөгийн өртөг бүхий соёл спортын төвийг шинээр барих хөрөнгийг шийдвэрлүүлсэн бөгөөд барилгын гүйцэтгэгчээр “Тусгал төв” ХХК ажиллаж, чанарын өндөр түвшинд хийж гүйцэтгэн хүлээлгэн өгч байгаа нь энэ юм. Мөн их бүтээн байгуулалтын ажлын хүрээнд Баяндэлгэр сумын төрийн байгууллагууд болон айл өрхүүдийг төвийн дулаанд холбох ажлыг хийж байна.
