“Гамшгаас хамгаалах сайн дурын үйл ажиллагааг дүүргийн хэмжээнд зохион байгуулах гамшиг осол, гал түймрээс урьдчилан сэргийлэх” хөтөлбөрийн хэрэгжилт, үйл явцын талаар Төрийн захиргааны удирдлагын хэлтсийн дарга О.Нямбат, “Эрүүл мэнд-2020” хөтөлбөрийн хэрэгжилтийг Эрүүл мэндийн төвийн дарга Ц.Лхагва, “Чингэлтэйн боловсрол 2020” хөтөлбөрийн хэрэгжилтийг Боловсролын хэлтсийн дарга Ж.Байгаль, дүүргийн 2019-2020 оны өвөлжилтийн бэлтгэл ажлын талаар Тохижилт, нийтийн аж ахуйн хэлтсийн дарга А.Гэрэлт-Од нар танилцууллаа.
Тус хөтөлбөрүүдийн хүрээнд дүүргийн Иргэдийн Төлөөлөгчдийн Хурлын Эрх зүй, нутгийн удирдлагын хороо, Нийгмийн хөгжлийн хороод ажиллаж, санал дүгнэлт ирүүлснийг Хурлын Тэргүүлэгчдийн нарийн бичгийн дарга бөгөөд Ажлын албаны дарга Ц.Алтанцацрал танилцуулав.
ИТХ-ын Тэргүүлэгчид хөтөлбөрүүдийн хэрэгжилттэй танилцаад, дүүргийн Засаг даргад тодорхой зарим ажлуудыг хэрэгжүүлэхийг чиглэл болгов.
Мөн Төрийн дээд цол, одон медалиар 18 иргэнийг шагнуулахаар Нийслэлийн Иргэдийн Төлөөлөгчдийн Хурлын Тэргүүлэгчдэд уламжлах, дүүргийн Иргэдийн Төлөөлөгчдийн Хурлын шагналаар шагнуулах болзол, шаардлага хангасан иргэдийг шагнаж урамшуулах шийдвэрийг тус тус баталлаа.
.JPG)