Аймгийн ИТХ-ын Тэргүүлэгчдийн энэ оны 3 дугаар
хуралдаан 2-р сарын 20-ны өдөр өнөөдөр хуралдлаа. Тэргүүлэгчдийн өнөөдрийн хуралдаанаар:-
1.Аймгийн ИТХ-ын Тэргүүлэгчдийн 2019 оны
сүүлийн хагас жилд хурлын тэмдэглэлээр өгсөн үүргийн хэрэгжилтийг хэлэлцээд
хуралдааны тэмдэглэлээр үүрэг өгөв.
2.Ахуйн зориулалтаар 2020 онд агнах, барих ан
амьтдын хуваарь батлах тухай асуудлыг
хэлэлцээд Монгол
Улсын Засгийн газрын 2019 оны “Тусгай
зориулалтаар 2020 онд агнах, барих
агнуурын амьтдын тоо хэмжээг тогтоох тухай” 439 дугаар
тогтоолоор батлагдаж, Байгаль орчин, аялал жуулчлалын Сайдын 2019 оны “Тусгай зориулалтаар болон ахуйн
зориулалтаар агнах, барих хуваарь батлах тухай” А/817 тоот тушаалаар
хуваарилагдсан аймгийн нутаг дэвсгэрээс 2020 онд
тусгай зориулалтаар агнах угалз, халиун буга, цагаан зээрийн тоо хуваарийг тус
тус батлав.
3.Энгийн хог хаягдлыг ангилах, цуглуулах,
тээвэрлэх, хадгалах, дахин ашиглах, дахин боловсруулах, сэргээн ашиглах,
устгах, булшлах үйл ажиллагаа эрхэлдэг болон байгаль орчинд ээлтэй хаягдалгүй
технологи нэвтрүүлсэн иргэн аж ахуйн нэгжийг урамшуулах журмын төслийг
хэлэлцээд хаягдалгүй техник, технологи нэвтрүүлсэн, хог хаягдлаа бууруулсан,
хог хаягдлыг цуглуулах, тээвэрлэх, хадгалах, дахин боловсруулах, эргүүлэн
ашиглах, устгахад шинэлэг менежментийг нэвтрүүлсэн хоёрдогч түүхий эдийг цуглуулсан, дахивар нөөц болгон
ашигласан, дахин
боловсруулсан,
эдийн засгийн эргэлтэд оруулсан иргэн, аж ахуйн нэгж, байгууллагад урамшуулал олгох, дэмжлэг
үзүүлэхтэй холбогдсон харилцааг зохицуулах зорилгоор "Хог хаягдлыг
бууруулах, цуглуулах, тээвэрлэх, хадгалах, дахин боловсруулах, сэргээн ашиглах, устгах, булшлах, экспортлох үйл
ажиллагаа эрхэлдэг болон байгаль орчинд ээлтэй, хаягдалгүй технологи нэвтрүүлсэн иргэн, аж
ахуйн нэгж, байгууллагыг урамшуулах журам"-ыг батлав.
4.Төрийн дээд одон медальд уламжлах тухай
асуудлыг хэлэлцээд “Хөдөлмөрийн гавъяаны улаан тугийн одон”-оор 3, “Алтан
гадас одон”-оор 4, “Цэргийн гавъяаны одон”-оор 1, “Хөдөлмөрийн хүндэт медаль”-иар
18 нийт 26 иргэдийг шагнуулахаар Монгол Улсын Ерөнхийлөгчид уламжлав.
