Улс төрийн хилс хэрэгт хэлмэгдэгчдийг цагаатгах, тэдэнд нөхөх олговор олгох тухай хуулийн дагуу  хэлмэгдэгчдийн ар гэрт төрөөс 1 удаагийн нөхөх олговор олгосон билээ. Энэ хуулийн дагуу тус аймгийн Өгийнуур сумын иргэн н.Гомбозовын охин Г.Дэнсмаа, Эрдэнэбулган сумын иргэн н.Далайн хүү Д.Ёндонжамц нарт тус бүр 40 сая төгрөгийн  нөхөх олговор гардууллаа. Мөн Эрдэнэмандал сумын иргэн У.Шаравын төрсөн охин Ш.Лхагвадулам, Ш.Бямбасүрэн нарт тус бүр 20 сая төгрөгийн нөхөх олговрыг батламжийн хамт аймгийн ИТХ-ын дарга Б.Өсөхбаяр  гардуулан өглөө.