Төрийн мэдээлэл солилцооны “Хур систем” нь мэдээллийн технологийн дэвшилтэт боломжид тулгуурлан төрийн байгууллагуудын иргэн, аж ахуй нэгжид олгодог лавлагаа, үйлчилгээний хүсэлтийг системээр хүлээн авч шийдвэрлэлтийн явцын мэдээлэл, үр дүнг цахимаар олгож төрийн үйлчилгээний хүртээмжийг нэмэгдүүлэх, үйл явцыг ил тод болгох, төрийн албаны ачааллыг хөнгөвчлөх зорилготой үйлчилгээ юм. Энэхүү системээр иргэн, аж ахуйн нэгж, байгууллагууд төрийн үйлчилгээг чирэгдэлгүй, хүнд сурталгүй, түргэн шуурхай, ил тод байдлаар хаанаас ч, хэзээ ч хүлээн авах боломжтой болж байгаа юм.
Төв аймаг энэхүү системийг нэвтрүүж байгаа анхны аймаг гэдгээрээ онцлогтой. Төв аймгийн Төрийн үйлчилгээний Нэгдсэн төв болон 27 суманд уг системийг нэвтрүүлэх бөгөөд аймгийн Төрийн үйлчилгээний Нэгдсэн төв нь бусад аймгуудад жишиг болохуйц гэдгийг мөн онцолсон. “Хур систем”-ийг нэвтрүүлснээр иргэд харьяалал харгалзахгүй Төв аймгийн аль ч нутаг дэвсгэрээс төрийн үйлчилгээг нэг дороос авах нөхцөл бүрдэж байгаа ба эхний шатанд 11 байгууллагын 54 үйлчилгээг нэвтрүүлэх юм.
Архангай аймаг
Архангай аймаг
Иргэдийн Төлөөлөгчдийн Хурал Иргэдийн Төлөөлөгчдийн ХуралТӨВ АЙМАГ “ХУР СИСТЕМ” НЭВТРҮҮЛЖ БАЙГАА АНХНЫ АЙМАГ
2020-04-22
