Эрдэнэсант суманд 100 хүүхдийн цэцэрлэгийн барилгын шав тавьж, ажлыг эхлүүллээ. Шав тавих ёслолд аймгийн ИТХ-ын тэргүүлэгч Т.Мөнхзориг, төлөөлөгч Ц.Буманбуян, ОНӨГ-ын дарга Д.Батжаргал, БСУГ-ын дарга У.Даваажав болон сумын удирдлагууд, иргэдийн төлөөлөл, барилгын компаний хамт олон оролцлоо. Эрдэнэсант сумын “Бөмбөөлэй” цэцэрлэгийн 6 бүлэгт 200 хүүхэд, багачууд суралцдаг бөгөөд нийт 6 багш, 20 ажилтантай сургалтын үйл ажиллагаагаа явуулдаг. Тус сумын хэмжээнд цэцэрлэгийн насны 400 гаруй хүүхэд, багачууд амьдардаг ч цэцэрлэгийн орны хүрэлцээнээс хамаарч бүгд хамрагдах боломжгүй байдаг аж. Харин шинэ цэцэрлэг ашиглалтад орвол 75 хувьтай байсан хамран сургалт 95 хувьтай болно гэдгийг онцолсон юм.
Шинэ цэцэрлэгийн барилгын ажлыг Төв аймгийн “Төв цогт Өлзийт” ХХК гүйцэтгэх бөгөөд 2021 онд ашиглалтад хүлээлгэн өгнө.
Архангай аймаг
Архангай аймаг
Иргэдийн Төлөөлөгчдийн Хурал Иргэдийн Төлөөлөгчдийн ХуралЭРДЭНЭСАНТ СУМ 100 ХҮҮХДИЙН ЦЭЦЭРЛЭГТЭЙ БОЛСНООР ХАМРАН СУРГАЛТ 95 ХУВЬД ХҮРНЭ
2020-06-22
