Барилга хот байгуулалтын сайд Б.Мөнхбаатар, Зам тээврийн хөгжлийн сайд Л.Халтар, Шинэ нисэх онгоцны буудлын түр захиргааны удирдлагууд болон аймгийн Засаг даргын орлогч Д.Мөнхбаатар нарын хамтарсан ажлын хэсэг Шинэ Зуунмод хотыг орон сууцжуулах ажил, Зуунмод хотоос шинэ нисэх онгоцны буудал хүртэлх 8.4 км авто замын төлөвлөлттэй танилцлаа. Зуунмод хот, шинэ нисэх онгоцны буудал, Майдар хотуудын ирээдүйн зураглалыг гаргаж, цаашид шаардлагатай дэд бүтцийн асуудлыг шийдвэрлэж, Зуунмод хот, шинэ нисэх онгоцны буудлыг холбосон замын ажлыг ирэх оны төсвийн төсөлд оруулахаар боллоо.