Гэмт хэргээс урьдчилан сэргийлэх ажлыг зохицуулах аймгийн салбар зөвлөлөөс Жендэрт суурилсан хүчирхийлэлтэй тэмцэх 16 хоногийн аяны хүрээнд аймгийн нийт иргэд, хүүхэд залуучуудын дунд 2020 оны 12 дугаар сарын 10-наас 18-ны өдрүүдэд  “Яг одоо хүчирхийллийг цэглэе” цахим бичлэгийн уралдааныг зохион байгууллаа.

Цахим бичлэгийн уралдааныг дүгнэх ажлын хэсгийг гэмт хэргээс урьдчилан сэргийлэх ажлыг зохицуулах аймгийн зөвлөлийн 2020 оны 12 дугаар сарын 21-ний өдрийн 28 дугаар тогтоолоор 5 хүний бүрэлдэхүүнтэй байгуулж,  салбар зөвлөлийн 29 дүгээр тогтоолоор уралдааныг дүгнэлээ.

Уралдаанд 13 бүтээл ирснээс 1 дүгээр байранд иргэн О.Цогзолмаа, 2 дугаар байранд Б.Батцэцэг, 3 дугаар байранд Д.Дэлгэрцэцэг, 4 дүгээр байранд Г.Буянжаргал, 5 дугаар байранд Г.Намуунбайгаль нарын бүтээлийг шалгарууллаа.

Цахим уралдаанд шалгарсан иргэд, залуучуудын шагнал, өргөмжлөлийг аймгийн ИТХ-ын дарга бөгөөд гэмт хэргээс урьдчилан сэргийлэх ажлыг зохицуулах аймгийн зөвлөлийн дарга Ц.Жамбалсүрэн, аймгийн ИТХ-ын Нарийн бичгийн дарга Ч.Жавзанпагма нар 2020 оны 12 дугаар сарын 30-ны өдөр гардууллаа.

АЖЛЫН АЛБА