27-нд Төв аймгийн ихэнх нутгаар нойтон цас орж, цасан шуурга шуурч, нийт нутгаар салхи ширүүсэж, шороон шуургатай байхыг анхааруулж байна.

Салхи: 27-нд ихэнх нутгаар секундэд 16-18 метр, зарим үед 22 м/с хүрч ширүүсэн, шороон шуурга шуурна.

Агаарын температур: 27-нд ихэнх нутгаар бага зэрэг хүйтэрч, Томоохон голын хөндий дагуух нутгуудаар шөнөдөө 7-12 градус хүйтэн, өдөртөө 1-6 градус дулаан, бусад нутгаар шөнөдөө 1-6 градус хүйтэн, өдөртөө 7-12 градус дулаан байна.

Иймд Та бүхэнд хүчтэй шороон болон цасан шуурганы үеэр иргэн бүр анхаарал сэрэмжтэй байж

-Хальтиргаа гулгаа үүсч болзошгүйг анхааран тээврийн хэрэгслийн жолооч нар хол, ойрын замд гарахдаа тээврийн хэрэгслийн найдвартай байдлыг хангаж бензин, шатахууны нөөцтэй, дулаан хувцастай зорчих,

-Иргэд, малчид болзошгүй эрсдэлээс урьдчилан сэргийлж, салхи шуурганд төөрөх, малтайгаа уруудах эрсдэлээс урьдчилан сэргийлж, малаа ойрын бэлчээрт хариулах, бага насны хүүхдийг малд явуулахгүй байхыг онцгойлон анхааруулж байна.