АЙМАГ, НИЙСЛЭЛИЙН СОНГУУЛИЙН ХОРООГ БАЙГУУЛЖ, АЙМГИЙН ИТХ-ЫН ДАРГАД ТАНИЛЦУУЛЛАА
Монгол Улсын Ерөнхийлөгчийн 2021 оны ээлжит сонгуулийн үйл ажиллагааг зохион байгуулах цаг хугацааны хуваарийн дагуу аймаг, нийслэлийн 22 сонгуулийн хороог байгуулжээ.
Өнөөдөр Архангай аймгийн сонгуулийн хорооны дарга, ЗДТГ-ын дарга Э.Дашзэгвэ, нарийн бичгийн дарга А.Ариунтуяа нар Архангай аймгийн сонгуулийн хорооны бүрэлдэхүүнийг ИТХ-ын дарга Б.Батжаргалд танилцуулж, Сонгуулийн хорооны тамга тэмдэгийг хүлээн авлаа.
Аймаг, нийслэлийн сонгуулийн хороо нь харьяалах нутаг дэвсгэрийнхээ хэмжээнд сонгууль зохион байгуулах ажлыг төлөвлөх, санал хураалтыг хуульд заасны дагуу зохион байгуулах, санал хураалтын дүн, холбогдох баримт бичгийг Сонгуулийн ерөнхий хорооноос баталсан журмын дагуу нэгтгэж, хүргүүлэх зэрэг үйл ажиллагааг хэрэгжүүлдэг.