Төв аймгийн нутаг дэвсгэр сум орон нутагт ажиллаж, амьдарч буй сүүний чиглэлийн фермер эрхэлдэг малчид, фермерүүдийн үйл ажиллагааг дэмжих, тогтмол орлогын эх үүсвэрийг нэмэгдүүлэх, чанартай сүү үйлдвэрлэж чанарт суурилсан үнэлгээгээр үнэлүүлж цаашид эрчимжсэн фермийн үйл ажиллагааг хөгжүүлэхэд түлхэц болох зорилгоор хамтын ажиллагааны санамж бичигт гарын үсэг зурлаа.
Тус санамж бичигт Төв аймгийн хөдөө аж ахуй, үйлдвэрлэлийн стратеги төлөвлөлтөд тусгагдсаны дагуу малчид фермерүүдийг хоршооллын хэлбэрт шилжүүлж, жижиг дунд үйлдвэрлэлийг дэмжих сангаас жилийн 3 хувийн хүүтэй 3 сая хүртэлх хэмжээний төгрөгийн зээл олгох боломж нөхцөлөөр хангах, хоршооллын хэлбэрт шилжүүлэх үйл ажиллагаатай холбоотой дэд бүтцийг бий болгох, холбогдох зөвшөөрлийн хууль журмын дагуу олгох зэрэг чиглэлүүд тусгагдлаа.