Цагдаагийн албаны тухай хуульд зааснаар Цагдаагийн байгууллагын үйл ажиллагаанд дэмжлэг үзүүлэх, олон нийтийн хяналт тавих үүрэг бүхий “Иргэний зөвлөл”-ийг иргэдийн Төлөөлөгчдийн Хурлын дэргэд байхаар хуульчилсан байдаг ба 5-7 хүний бүрэлдэхүүнтэйгээр гурван жилийн хугацаатай томилдог юм.

“Иргэний зөвлөл” нь хараат бус ажиллаж, тухайн нутаг дэвсгэрийн цагдаагийн байгууллагын үйл ажиллагаанд дэмжлэг үзүүлэх, хяналт тавих үүрэгтэй юм.

Төв аймгийн ИТХ-ын дэргэдэх “Иргэний зөвлөл”-ийн гишүүдийг Сонгон шалгаруулах комисс нь хүсэлт ирүүлсэн 17 иргэдийн материалаас шалгаруулалт хийж, аймгийн ИТХ-ын 5-р хуралдааны 11-р тогтоолоор Б.Эрдэнэбат, Г.Цэцгээ, Л.Ганбат, М.Мэндсүрэн, С.Энхтунгалаг, Ж.Энхбаатар, П.Мөнх-Оюун нарыг 2021 оны 09-р сарын 01-ний өдрөөс эхлэн 3 жилийн хугацаатай томиллоо.

Өнөөдрийн сургалтаар шинэ гишүүддээ зөвлөлийн үйл ажиллагааны талаар мэдээлэл өгч, үнэмлэх гардуулан, гишүүдийн ажил үүргийн хуваарийг танилцууллаа.