Өнөөдөр /2021.11.02/ Чингэлтэй дүүргийн Иргэдийн Төлөөлөгчдийн Хурлын Ажлын алба болон Гэмт хэргээс урьдчилан сэргийлэх ажлыг зохицуулах салбар зөвлөлөөс дүүргийн 1-19 дүгээр хороодын Гэмт хэргээс урьдчилан сэргийлэх ажлыг удирдан зохион байгуулах багийн гишүүд, Гудамж, байрны нийтийн эргүүлүүдэд ковид-19 цар тахлаас урьдчилан сэргийлэх, аюулгүй ажиллах нөхцөлөөр хангах зорилгоор түргэвчилсэн оношлуур, хүүхэд, залуучуудад гэмт хэргээс урьдчилан сэргийлэх мэдлэг олгох зорилгоор “Чингэлбаатар өсвөрийн сэргийлэгч болсон нь” цуврал зурагт ном, мөн төрийн албан хаагчид болон иргэдэд “Монгол Улсын Засаг захиргаа, нутаг дэвсгэрийн нэгж, түүний удирдлагын тухай хууль”-ийн шинэчилсэн найруулгаар бэлтгэсэн гарын авлага зэргийг тус тус гардууллаа.

       Дүүргийн Гэмт хэргээс урьдчилан сэргийлэх ажлыг зохицуулах салбар зөвлөлөөс хороодын Урьдчилан сэргийлэх багуудын дунд зарласан “Гэмт хэрэг, зөрчлөөс хамтдаа сэргийлье” аян болон зам тээврийн осол гэмтлээс бага насны хүүхдүүдийг урьдчилан сэргийлэх, эцэг эхийн хараа хяналт, хариуцлагыг сайжруулах зорилготой “Анхаар ХҮҮХЭД- Хариуцлагатай эцэг, эх” аяны хүрээнд замын тэмдэг, тэмдэглэгээ шинээр хийх, богино хэмжээний видео шторк, зурагт хуудас бэлтгэн тараах ажлуудыг эхлүүлээд байна.