Өнөөдөр /2021.12.22/ Нийслэлийн Чингэлтэй дүүргийн Иргэдийн Төлөөлөгчдийн Хурлын Тэргүүлэгчдийн ээлжит 23-р хуралдааныг танхим болон цахим хосолсон хэлбэрээр зохион байгууллаа.
Тус хуралдаанаар:
- Гамшгийн эрсдэлийг бууруулах Чингэлтэй дүүргийн зөвлөлийн бүрэлдэхүүн, ажиллах журмыг шинэчлэн батлах,
- Дүүргийн Гэмт хэргээс урьдчилан сэргийлэх ажлыг зохицуулах салбар зөвлөлийн бүрэлдэхүүнд өөрчлөлт оруулах,
- Тайлан хэлэлцэх гэсэн үндсэн 3 асуудлыг хэлэлцэн шийдвэрлэлээ.
Гамшгийн эрсдэлийг бууруулах Чингэлтэй дүүргийн зөвлөлийн удирдлага, зохион байгуулалт, үйл ажиллагаа, эрх, үүргийг тогтооход чиглэсэн “Гамшгийн эрсдэлийг бууруулах Чингэлтэй дүүргийн зөвлөлийн ажиллах журам”-ын шинэчлэн батлах асуудлыг хэлэлцэн шийдвэрлэлээ.
Монгол Улсын Засаг захиргаа, нутаг дэвсгэрийн нэгж, түүний удирдлагын тухай хууль болон Гэмт хэрэг, зөрчлөөс урьдчилан сэргийлэх тухай хуулийг тус тус үндэслэн дүүргийн Гэмт хэргээс урьдчилан сэргийлэх ажлыг зохицуулах салбар зөвлөлийн бүрэлдэхүүнд өөрчлөлт оруулахаар тогтлоо.
Чингэлтэй дүүргийн харьяа сургуулийн өмнөх болон бага дунд боловсролын байгууллага, биеийн тамир, спортын хороо, спорт заал, цогцолборын үйл ажиллагаанд хийсэн хяналт шалгалтын хүрээнд авсан арга хэмжээний тайлан, дүгнэлтийг авч хэлэлцлээ.
ХУРЛЫН АЖЛЫН АЛБА
