Улсын аварга малчин, тариаланчдийн шагнал гардуулах ажлын хэсэг Ховд аймгийн Мөнххайрхан суманд ажиллах үеэрээ тус сумын өндөр настан Баяртын Түвшинжаргал, Хомбоогийн Хартолгой нарт төрийн дээд шагнал Алтан гадас одонг гардуулаа.
МУ-ын Ерөнхийлөгчийн 2021 оны 12 дугаар сарын 27-ны өдрийн 132 дугаар зарилгаар төрийн дээд одон Алтан гадас одонгоор шагнуулсан өндөр настан Баяртын Түвшинжаргал, Хомбоогийн Хартолгой нар нь хөдөө аж ахуй тэр дундаа мал аж ахуйн салбарт 50 орчим жил хөдөлмөр зүтгэлээ зориулж үр бүтээлтэй ажилласан тул ийнхүү Алтан гадас одонгоор шагнагдаж төр түмэндээ хөдөлмөр зүтгэлээ үнэлүүлсэнд Мөнххайрханчууд баяртай байна.
