Монгол Улсын Их Хурлын 1992 оны 18 дугаар тогтоолоор Чингэлтэй дүүрэг үүсэн байгуулагдсан бөгөөд Нийслэлийн Иргэдийн Төлөөлөгчдийн Хурлын Тэргүүлэгчдийн 2021 оны 174 тогтоолоор 2022 онд дүүргийн 30 жилийн ойг тэмдэглэн өнгөрүүлэхээр баталсан билээ.
Тэгвэл энэхүү ажлын хүрээнд дүүргийн Засаг даргын Тамгын газар “БҮХ НИЙТИЙН ИХ ЦЭВЭРЛЭГЭЭ”-г зохион байгуулах гэж байна.
Чингэлтэй дүүргийн нутаг дэвсгэрт үйл ажиллагаа явуулж байгаа төрийн болон төрийн бус байгууллага, иргэд, аж ахуй нэгжүүд нь өөрийн өмч, эзэмшил, ашиглалтад байгаа өмч болон орчны гадна талбайн тохижилт, хаягийн байгууламж, өнгө үзэмж, цэвэрлэгээ үйлчилгээнд анхаарч идэвхтэй оролцоно уу.
“БҮХ НИЙТИЙН ИХ ЦЭВЭРЛЭГЭЭ” энэ сарын 19-ны өдөр буюу бямба гарагт болох бөгөөд иргэд, ААНБ-ууд та бүхнийг идэвхтэй хамрагдаж, дүүргээ цэвэр цэмцгэр байлгахыг уриалж байна.