Өнөөдөр /2022.03.25/ Чингэлтэй дүүргийн Иргэдийн Төлөөлөгчдийн Хурлын Эрх зүй нутгийн удирдлагын хороо хуралдаж, дүүргийн Иргэдийн Төлөөлөгчдийн Хурлын хуралдааны дэг, дүрэм, Төлөөлөгчдийн ёс зүйн  дүрэм, Хурлын хороодын үйл ажиллагааны журам зэрэг зохион байгуулалтын асуудлуудыг хэлэлцлээ.

      Түүнчлэн Чингэлтэй дүүргийн зарим хороодын хэсгийн хуваарийг шинэчлэн тогтоох, 4 дүгээр хорооны зарим иргэн, хуулийн этгээдийн эд хөрөнгийн болон хаягийн бүртгэлд өөрчлөлт оруулах тухай асуудлуудыг тус тус хэлэлцэж, дүүргийн Иргэдийн Төлөөлөгчдийн хурлын ээлжит дөрөвдүгээр хуралдаанд хэлэлцүүлэхийг дэмжиж, холбогдох санал, дүгнэлтээ гаргалаа.

     Тус хуралд Эрх зүй, нутгийн удирдлагын хорооны дарга Д.Ядамжав, хорооны гишүүн Т.Найдан, Б.Найдалаа, З.Бямбажав, Н.Доржпүрэв нар оролцлоо.Дээрх асуудлууд нь ирэх Даваа гарагт зохион байгуулагдах дүүргийн Иргэдийн Төлөөлөгчдийн хурлын ээлжит дөрөвдүгээр хуралдаанаар хэлэлцэгдэх юм.