Аймгийн ИТХ-ын Ээлжит VIII хуралдаанаар Газрын төлбөр тооцох итгэлцүүрийн тоон утга, газрын зааг, хязгаарыг тогтоож, Эрдэнэт хотын “Хүндэт иргэн” шагналын журмыг шинэчлэн, Баян өндөр сумын Эрдэнэ, Яргуйт, Цагаанчулуут багийг хувааж, нэмж баг байгуулахаар боллоо.
Улсын хэмжээнд засаг захиргааны анхан шатны нэг нэгжид дунджаар 1800 хүн ноогдож байгаа бөгөөд Орхон аймагт нэг багт дунджаар 4227, Баян-Өндөр суманд нэг багт 4640 хүн ноогдож байна. Баян-Өндөр сумын Эрдэнэ, Яргуйт, Цагаанчулуут баг нь хүн амтай ихтэй засаг захиргааны нэгж бөгөөд улсын дундажтай харьцуулахад хүн амын тоо их, иргэдийн суурьшил нэмэгдэж байгаа нь төрийн үйлчилгээг хүргэхэд хүндрэлтэй байгаа юм. Тиймээс Эрдэнэ, Яргуйт, Цагаанчулуут багуудыг хувааж 4 баг нэмж байгуулахаар боллоо. Дээрх гурван багийн иргэдийн олонх нь баг хувааж, нэмж баг байгуулах саналыг дэмжиж, Иргэдийн Нийтийн хурлаас баг нэмж байгуулах асуудлыг дэмжсэн тогтоол гаргаж ирүүлсэн холбогдох албанд хүргүүлсэн байна. Шинээр байгуулагдсан багуудын иргэдийн Нийтийн Хурлын хуралдааныг 2022 оны 11 сард багтаан зохион байгуулж, багуудад шаардагдах зардлыг 2023 оны төсөвт тусган батлуулж, ажиллах нөхцөл боломжоор хангах юм.