Ховд аймгийн Иргэдийн Төлөөлөгчдийн хурлын дарга Г.Пүрэвганди, аймгийн ХХААГ-ын дарга Б.Бямбажав нар /2022.03.22/ Дөргөн суманд ажиллах үеэрээ тус сумын удирдлагуудтай уулзаж, санал солилцов.
Дөргөн сумын тухайд 2021 онд 185567 мал тоолуулсанаас тэмээ 5973 тоолуулжээ. Тус сум сүүлийн 10 жил дарааллан Ховд аймгийн хамгийн олон тэмээтэй сумаар шалгарч байгаа юм.
Иймээс Дөргөн сумын удирдлагуудын зүгээс тэмээг омгоор батлах талаар санал, хүсэлтээ аймгийн удирдлагуудад хэллээ.
Тэмээг омгоор батлах асуудлыг аймгийн ИТХ-аас болон салбарын зүгээс дэмжиж хамтран ажиллахаа илэрхийллээ.
