Аймгийн Иргэдийн Төлөөлөгчдийн Хурлын дэргэдэх Хүрээлэн буй орчны эсрэг гэмт хэргээс урьдчилан сэргийлэх дэд зөвлөл, Хилийн цэргийн 0130 дугаар анги, Дэпхийн байгаль хамгаалах сан хамтран “Хилийн ногоон бүс” арга хэмжээг эхлүүлээд байна.
Тус зөвлөлөөс Ховд аймгийн хэмжээнд шүүхээр шийдвэрлэгдсэн хүрээлэн буй орчны эсрэг гэмт хэргийн /ХБОЭГХ/ сүүлийн 10 жилд хийсэн 2021 оны судалгаанаас харахад Булган, Алтай, Үенч сумдад хууль бусаар ашигт малтмал олборлох, ан агнах төрлийн гэмт хэргийн гаралт өндөр байна.
Мөн хил орчмын бүс нутагруу иргэд малтай нутаглах хүсэлтэй болсноос зэрлэг ан амьтад хилийн зурвас бүсрүү шахагдах болсон зэрэг шалтгаануудад үндэслэн Хилийн цэргийн 0130 дугаар ангид хамаарах хилийн зурвас бүсийг 100 хувь ХБОЭГХ-ийн зөрчилгүй, НОГООН БҮС болгох багц арга хэмжээнүүдийг зохион байгуулахаар төлөвлөн ажиллаж байна.
