Архангай аймаг

Архангай аймаг

Иргэдийн Төлөөлөгчдийн Хурал Иргэдийн Төлөөлөгчдийн Хурал

БАЙГАЛИЙН ХИЙ ДАМЖУУЛАХ ХООЛОЙ ТӨВ АЙМГИЙН 8 СУМААР ДАЙРАН ӨНГӨРНӨ

2022-04-18

ОХУ-аас Монгол улсын нутаг дэвсгэрээр дамжуулан БНХАУ-руу байгалийн хий хоолой татах төслийн талаар гүйцэтгэгч байгууллага болох “Газопровод Союз Восток” ХХК-ийн төлөөлөл аймгийн ИТХ-ын дарга Ц.Жамбалсүрэн, Засаг дарга Д.Мөнхбаатар, Засаг даргын орлогч Г.Сурмаа болон хий дамжуулах хоолой дайран өнгөрөх сумдын удирдлагууд, холбогдох албаны хүмүүстэй уулзалт хийж, төслийн талаар танилцууллаа.
Монгол улсын нутаг дэвсгэрээр дамжин өнгөрөх байгалийн хий дамжуулах хоолой нь 957 км үргэлжлэх бөгөөд манай аймгийн Борнуур, Баянчандмань, Баянцогт, Аргалант, Алтанбулаг, Сэргэлэн, Баян, Баянцагаан сумдын 318.3 км нутаг дэвсгэрээр дайран өнгөрөх юм. Уулзалтаар тус төслийн инженерийн судалгаа гүйцэтгэх зөвшөөрөл олгох, хий дамжуулах хоолойн ойролцоо орших нэгж талбаруудын эзэмшлийн болон зориулалтын талаарх мэдээлэл өгөх, дээрх ажлын зураг төсөл, судалгааны ажил гүйцэтгэх болон барилгын ажил гүйцэтгэхэд хамтран ажиллах хариуцлагатай албан тушаалтныг орон нутгийн төрийн захиргааны байгууллагуудаас тодорхойлох зэрэг асуудлыг хэлэлцлээ.

Мал эмнэлгийн ажил үйлчилгээний хөлсний үнийн талаар саналаа өгнө үү. Мал, амьтны эрүүл мэндийн тухай хуулийн 34 дүгээр зүйлийн 34.5 “Орон нутгийн төсвийн хөрөнгөөр гүйцэтгэх мал эмнэлгийн үйлчилгээний зардлын нормативыг аймаг, нийслэлийн мал эмнэлгийн газрын саналыг үндэслэн аймаг, нийслэлийн иргэдийн Төлөөлөгчдийн Хурал батална. Үүнд: Архангай аймгийн Мал эмнэлгийн газар орон нутгийн санхүүжилтээр хийгдэх мал эмнэлгийн үйлчилгээний жишиг үнийг шинэчлэх төслийг холбогдох эрх бүхий байгууллагад хүргүүлэхээр ажиллаж байна. Иймд мал эмнэлгийн үйлчилгээний нэгж болон эрх ашигт нөлөөлөх талуудыг захиргааны хэр хэмжээний актын төсөлд санал өгч хамтран ажиллахыг хүсье.

санал өгсөн: 53
51 / 96%
2 / 4%