Чингэлтэй дүүргийн 30 жилийн ой, “Соёлтой иргэн-2024” арга хэмжээний хүрээнд Ерөнхий боловсролын сурагчдын урлагийн авьяас чадварыг нээн илрүүлэх, хөгжүүлэх, урлаг соёлын үйл ажиллагаагаар дамжуулан хүүхэд багачуудыг төлөвшүүлэх зорилгоор дүүргийн “Хүүхдийн урлагийн наадам-2022” арга хэмжээг амжилттай зохион байгуулж, дүнгээ гаргалаа.

         “Хүүхдийн урлагийн наадам-2022” наадмын шилдэг үзүүлбэрүүдээр гала тоглолтыг зохион байгуулж, шагнал гардууллаа. Шагналыг Чингэлтэй дүүргийн Иргэдийн Төлөөлөгчдийн Хурлын дарга Б.Мөнхбат, Засаг дарга Н.Батсүмбэрэл нар гардуулан өглөө.

          Энэхүү арга хэмжээг 8-13, 14-18 гэсэн 2 насны ангилалд 7 төрлөөр зохион байгуулсан бөгөөд дүүргийн Ерөнхий боловсролын сургуулийн сурагчид бүжиг, дуу, шүлэг гээд авьяас чадвараараа уралдан шилдгүүдээ тодрууллаа.

ХУРЛЫН АЖЛЫН АЛБА