Аймгийн ГХУСАЗСЗ, /Гэмт хэргээс урьдчилан сэргийлэх ажлыг зохицуулах салбар зөвлөл/ Ховд аймаг дахь Цагдаагийн газар хамтран архидан согтуурахтай холбоотой гэмт хэрэг, зөрчлөөс урьдчилан сэргийлэх “ҮГГҮЙ ҮЙЛДЭЛ” нөлөөллийн аяныг аймгийн хэмжээнд зохион байгуулна.
Тус аяныг хэрэгжүүлэх ажлын хэсэг хуралдаж, аяны хүрээнд хийх ажлын төлөвлөгөөгөө баталлаа.
Иргэдийн эрхзүйн мэдлэгийг дээшлүүлэх, соён гэгээрүүлэх, архины зохисгүй хэрэглээ, гэр бүлийн хүчирхийллийг бууруулах, согтуугаар үйлдэгдэх гэмт хэрэг, зөрчлөөс урьдчилан сэргийлэхэд иргэдийн оролцоог нэмэгдүүлэх зорилгоор явагдаж байгаа тус аян АРХИГҮЙ БОЛ ЗӨРЧИЛГҮЙ уриан дор явагдана.
