Өнөөдөр /2022.05.18/ Швейцарын хөгжлийн агентлагийн хамтын ажиллагааны дарга Стефани Бурри, Хөтөлбөрийн ахлах зохицуулагч Л.Золзаяа, Хөтөлбөрийн хэвлэл мэдээллийн ажилтан Ц.Тансагмаа нарыг аймгийн ИТХ-ын нарийн бичгийн дарга Б.Сандагсүрэн болон ИТХ-ын Ажлын албаны төлөөлөл хүлээн авч уулзлаа.
Швейцарын хөгжлийн агентлагаас Ховд аймгийн олон салбарт төсөл хөтөлбөрүүдийг хэрэгжүүлсээр ирсэн бөгөөд аймгийн Иргэдийн Төлөөлөгчдийн хуралтай хамтран:
• 2018 онд ИТХ-ын хороодоос иргэдийн оролцоотой хяналтыг хэрэгжүүлэх нь төсөл,
• 2020 онд Иргэдийн төлөөлөгчдийн хурал-Залуучуудын оролцоо-эерэг хандлага төслүүдийг амжилттай хэрэгжүүлэн ажилласан юм.
Мөн аймаг, сумдын ИТХ-ын төлөөлөгчдийн сургалт, сумын болон аймгийн ИТХ-ын Тэргүүлэгчдийн сургалт, Багийн иргэдийн нийтийн хурлын дарга, тэргүүлэгчдийн сургалт, Эмэгтэй төлөөлөгчдийн манлайлал зэрэг 6 удаагийн сургалтыг хамтран хийж 1191 хүнийг хамруулж, амжилттай зохион байгуулсан байна.
Уулзалтаар хамтран хэрэгжүүлсэн төсөл хөтөлбөрүүд, зохион байгуулсан сургалтуудын үр дүн, ач холбогдлын талаар хэлэлцэж, санал солилцлоо.
