.jpg)
Сумын Буурал багийн нутагт байрлах нарийн ногоо, төмсний 56,5 га талбайг орон нутгийн хөгжлийн сангийн төсвийн 69,9 сая төгрөгөөр хашаажуулжээ. Нийт 3000 метр газарт хашаа хатгасан ба үүний 2400 метр нь ган төмөр 600 метр нь бэлчээрийн торон хашаа юм. Буурал баг нь газар тариалангийн бүс нутаг бөгөөд ногоо, тариаг мал, амьтнаас хамгаалах зорилгоор уг ажлыг хийжээ.
Хашаажуулах ажил 2021 оны есдүгээр сараас 2 сарын хугацаанд үргэлжилж гүйцэтгэгчээр Орхон тод од ХХК ажилласан байна. Хашаажуулсан 3000 м газарт нийт газар тариалан эрхэлдэг 20 орчим иргэн, аж ахуйн нэгжийн талбай багтсан байна.