Арбулаг сумын иргэдийн Төлөөлөгчдийн Хурлын ажлын албанаас санаачлан НӨУБ-ын 30 жилийн ойгоо тэмдэглэн өнгөрүүлэв. Ой угтаж тэргүүний төлөөлөгчдийг төрийн болон салбарын шагналд тодорхойлож, НӨУБ-ын түүхийг нэгтгэн Нутгийн өөрөө удирдах байгууллагын 30 жилд хэмээх товхимолыг гаргасан байна.
Мөн үе үеийн төлөөлөгч, ИТХ-ын дарга, Засаг даргаар ажиллаж байсан төлөөлөгчид, багийн ИНХ, багийн Засаг даргаар ажиллаж байсан төлөөлөгчид, ИТХ-ын нарийн бичгийн даргаар ажиллаж байсан хүмүүсийг хамруулан хүндэтгэлийн баярын хурал, хүлээн авалт зохион байгуулж, буурал төлөөлөгчдийн дурсамж, залуу удирдлагуудад хандсан сургамж зөвлөгөөг сонсож нэгэн өдрийг мартагдахааргүй дурсамж дүүрэн өнгөрүүллээ.
АИТХ-ын нарийн бичгийн дарга Р.Машбат, Мөрөн сумын ИТХ-ын дарга Б.Нямдаваа тэргүүтэй ажлын хэсгийнхэн урилгаар оролцож, баяр хүргэн амжилт хүслээ.
